DIE TWEEDE WÊRELDOORLOG
Duitsland, dikbek oor die bepalinge van die Vredesverdrag van Versailles, begin ’n magtige gemeganiseerde weermag opbou. Hitler droom van Europese en uiteindelik wêreldheerskappy. Die eerste atoombom (ironies Little Boy genoem) word op 6 Augustus 1945 op Hirosjima losgelaat. Die matelose krag van en verwoesting wat atoomenergie kan ontketen, laat die aardbol sidder. Talle mense sterf ’n aaklige dood en baie ander jare later weens radioaktiewe na-effekte. Die atoombom skep ’n nuwe bedreiging wat steeds oor ons hang: Dat ’n derde wêreldoorlog Armageddon kan ontketen. Die Verenigde Nasies kom tot stand vir broodnodige diplomasie, ’n plek waar nasies hul geskille kan oplos. REGS ’n Digte rookkolom van meer as 18 km hoog kan oor die Japannese stad Nagasaki gesien word nadat die tweede atoombom, Fat Man, op 8 Augustus 1945 daarop laat val is.