SAL JY SÓ ’N KOEK BAK?
DEUR MARZANNE SCHOEMAN
Ja, die nuutste tendens is ’n koek wat soos ’n kers lyk, kompleet met witsjokolade wat teen die kante van die koek afdrup soos kerswas. En nee, ons dink nie dit hoef net vir groot feeste te wees nie. Jy kan dit bak vir enige geleentheid. Dink net hoe mooi sal dit lyk op jou tafel vir nagereg wanneer jy ’n elegante aansitete hou óf hoe oulik sal dit wees as verjaardagkoek met net een groot “kers” pleks van ’n klomp kleintjies om uit te blaas.