HOE WERK DIÉ AANVULLINGS?
Skoonheidsaanvullings word mondeliks ingeneem. “Die verskillende bestanddele, soos die kollageenkomponente, omegas, vitamiene, minerale en antioksidante, word dan in die dermkanaal opgeneem. Hierna word alles deur jou bloedstroom vervoer na die dele van jou lyf waar dit benodig word, onder meer jou vel, en sommige bestanddele word in die selle tot kleiner komponente soos peptiede en aminosure afgebreek,” verduidelik dr. Bloem.