Spog met dié maklike nagereg

Maak dié Paasfees ’n maklike, maar indrukwekkende nagereg. Dis tyd vir Paasbolletjies en SPAR se Freshline-reeks sal in ’n japtrap sorg vir iets buitengewoons op die tafel

BEVRORE PAASBOLLETJIE-TIRAMISU

Tradisioneel word hierdie tiramisu-resep met Boudoirkoekies gemaak, maar kikker dit op deur dit met SPAR se Paasbolletjies te vervang.

genoeg vir 6-8

6 eiergele

100 g (125 ml) strooisuiker

10 ml vanieljegeursel

100 ml koffielikeur

2 x 250 g-bakkies mascarpone (by kamertemperatuur)

250 ml room

200 ml baie sterk koffie, by kamertemperatuur

12 SPAR Freshline Hot Cross Buns (die sjokoladegeur)

125 g SPAR Freshline-frambose

125 g SPAR Freshline-bloubessies

100 g versiersuiker vir oorsif karamelsous vir voorsit

Voer ’n 22 cm-losboomkoekpan met kleefplastiek uit. Bring ’n pot met water tot kookpunt en verlaag hitte tot water stadig prut. Plaas eiergele, strooisuiker, vanielje en helfte van likeur saam in ’n mengbak wat oor die pot sal pas. Die bak moenie aan die water raak nie. Klits mengsel oor warm water met ’n elektriese klitser tot eiers lig en skuimerig is, so 8-10 minute. Verwyder van hitte en hou aan klits tot mengsel koud is. Terwyl jy klits, skep die mascarpone lepel vir lepel by die eiermengsel en klits tot glad. Hou eenkant. Klits room tot sagte punte vorm en vou by eiermengsel in. Meng koffie en res van likeur. Halveer die

SPAR Freshline Hot Cross Buns en pak ’n laag Paasbolle onderin pan. Skep lepels vol van koffie-en-likeurmengsel oor brood. Skep nou helfte van mascarponemengsel en helfte van bloubessies en frambose bo-op. Pak nog ’n laag brood, gevolg deur lepels likeurmengsel. Volg weer met mascarponemengsel en bessies. Pak oorblywende brood bo-op en skep laaste stroop oor. Maak pan toe met kleefplastiek en plaas in vrieskas vir 8-10 uur of oornag tot gevries. Haal koek

15 minute voor jy dit voorsit uit die vrieskas en plaas in yskas. Haal koek uit pan en verwyder kleefplastiek. Plaas op

’n dienbord, sif versiersuiker oor en sit voor met karamelsous.