JOU GIDS TOT ’N GESONDER JY in 6 weke!

Feestyd is verby en waarskynlik voel jy dis tyd om weer by ’n eetplan te hou. Begin die jaar reg met Gesonder met SARIE. Oor net 6 weke gaan jy reeds juig oor hoe jy lyk, en voel!

Gesonder met SARIE is ’n aanlyn platform wat jou nie net sal help om die kilo’s af te skud nie, maar ook sal inspireer om gesonder laekoolhidraateetgewoontes ’n langtermynkeuse te maak. Ons wil die manier verander waarop jy kos koop en jou maaltye beplan. Die program bevat heerlike resepte, inkopielyste, weeklikse eetplanne en als wat jy moet weet oor ’n laekoolhidraat-leefstyl.

Die oomblik wat jy inteken, kry jy toegang tot die hele Gesonder met SARIE-program, wat jy van jou rekenaar of enige mobiele toestel met internettoegang af kan oopmaak. Dis nie nodig om ’n app af te laai nie. Begin eenvoudig by Week 1, Dag 1 en volg die plan daagliks – vir ’n gesonder jy in net 6 weke!