WOEF OF KIETS ZOOM SAAM
Moeg van jou eie geselskap in jou tuiskantoor? Jou video-oproepe met kollegas kort nuwe inspirasie? ’n Dierehawe in Richmond, Virginia, het die antwoord. ’n Vierbeen-kollega! Richmond Animal Care and Control (RACC) stel naamlik honde en katte tot die beskikking van hul landgenote om dinge ’n bietjie meer ontspanne te maak. Mense kan spesiale versoeke hê, onder meer ’n sekere persoonlikheidstipe soos ’n ontspanne kat of ’n hiperaktiewe hondjie. Catherine Middleton Duchess of Cambridge, ’n goedgeaarde bulterriër, het die program “toetsbestuur” en was glo ’n model-werknemer. Die dierehawe hoop om meer aandag te vestig op hul vierbeen-inwoners, wat almal smag na ’n forever home. Bron: thedodo.com