DIE VORM VAN LIEFDE
Die ikoniese hartvorm as simbool van ewigdurende liefde is dalk ’n afbeelding van silphium, ’n ongeïdentifiseerde (sommige sê uitgestorwe) medisinale kruid, se saad. Die antieke Grieke en Romeine het die sap as opkikker in die slaapkamer gedrink, of aangewend “om die uterus te reinig” . . . dalk die wêreld se eerste vorm van geboortebeperking.
Die menslike hart is nie “hartvormig” nie. En verrassend lyk ’n koeihart meer na die hartvorm wat ons met romanse assosieer. Bron: BBC.com