SPESIAAL VIR JOU

Hoeveel keer die week het jy iets net vir jouself gedoen? Ontspan ’n slag, neem ’n tydjie af en herlaai jou energie. Dié boks vol uitsoekbederwe is dalk net wat jy nodig het

1. Aurora Home se Kitchen Towel met unieke patrone gedruk op katoenmateriaal: Lemon, Veggies, Picnic, Floral, Swan, Sunrise, Mushroom, Pastel, Sunset en Candy. Jou kombuisdoek sal een van dié patrone op hê. 2. Geniet ’n koppie tee en koekies in Wonki Ware se Small Straight Mug en Biscuit Dish. Jy ontvang twee koppies en een bakkie in saliegroen. 3. Dié Medium Gear Candle in die kleur Burnt Orange van okracandle skep die perfekte atmosfeer vir ’n spesiale ete. Dit kom in ’n tint en verslawende note van sandelhout. 4. Leer iets nuuts oor kos, kook en kombuistegnieke saam met Slimmer met SARIE, ’n splinternuwe aanlyn projek, in die gemak van jou eie huis. Jy ontvang ’n R250-afslagbewys vir die Slimmer met SARIEkursus: Kookklas met Herman Lensing. 5. Gee jou geregte nuwe lewe met een van Funky Ouma se soute. Die geure is Beetroot, Black Garlic of Turmeric Ginger (80 g elk), waarvan jy een sal ontvang. Dit word slegs van natuurlike bestanddele gemaak en bevat geen kunsmatige kleur- of geurmiddels nie. 6. Verfrissende aromas en geure van peer, nartjie, lemoenbloeisel en kanferfoelie kan geproe word in Robertson Winery se nie-alkoholiese Dry Sparkling White Wine. 7. ’n Lekkerlees-boek van NB-Uitgewers: Die versoeking van Thomas Maas deur Chris Karsten. Al wat jy hoef te doen, is om die hoekie, bank of bed te vind waar jy dit rustig kan geniet. 8. Pamperlang so: Greenleaf se handeroom en lekkerruik-sakkie in 2 geure: Classic Linen en Cashmere Kiss. Jy sal een van dié geure ontvang.

Hierdie boks is beskikbaar vir bestelling by tobegiftboxes.com onder die SARIE-hofie. * Aflewering ingesluit is slegs van toepassing op hoofsentra.