Ons wêreld
20 Mei is Wêreld-Byedag. Daar is goeie rede om dié besige insekte te vier . . . Bye bestuif ’n derde van alles wat ons eet (aarbeie, bloubessies, sonneblomme en amandels is onder meer afhanklik van bestuiwing) en speel ’n noodsaaklike rol in die ekosisteem. Ongelukkig is moderne landboupraktyke besig om bye-populasies te bedreig. Die Amerikaanse velsorghuis Burt’s Bees meen jy kan help deur soveel moontlik blomplante te plant, nie plaagdoders in jou tuin te gebruik nie en heuning van plaaslike byeboere te koop. – Monica van der Walt