Harmonie tussen toe en nou

Die hart van die huis, die sitkamer.

So tipies Karoo: Hierdie lang leiklipstoep is toentertyd so hoog gebou sodat jy direk van die wa af op die stoep kon afklim. Die groen stoele is van Chair Crazy.

HOOFFOTO BL. 105

KUIER LANK EN LEKKER

Met die intrap is jy in die ruim, gesellige sitkamer wat met kontemporêre en antieke meubels gemeubileer is. Die gekurfde bank van Okha is ’n interessante kombinasie met die ou eetkamerstoel en riempiesbank, en die wit kralegeborduurde leunstoel (Weylandts) is ’n kopknik aan Afrika. ’n Moderne kroonkandelaar en ’n staanlamp sorg vir die beligting, en die plankvloer, geelhoutbalke en plafon verskaf ’n warmte en bekendheid aan die vertrek. Van hier vloei die huis en weerskante van die leefvertrek is twee slaapkamers.

’n Slaapkamer gestroop van onnodighede.

Groot geraamde foto’s van die Karoo versier die mure en die lang riempiesbank is in harmonie met die hedendaagse hemelbed van Weylandts.