Gesonddinge
DIE DODELIKSTE PLAE
Wat was die dodelikste plae in menseheugenis? ’n Moeilike een.
Van die ergstes was in samelewings sonder geskrewe geboorte- en doodsertifikate. En die persentasie sterftes hang natuurlik af van hoeveel mense daar is. Die wêreldbevolking het gegroei van 400 miljoen (1300’s) tot sowat 2 miljard (1920) en meer as 7,8 miljard vandag. Covid-19 het binne ’n jaar die dood van sowat 2,5 miljoen mense veroorsaak.
Dis getalgewys meer mense as in die meeste grieppandemies in die geskiedenis, behalwe die Groot Griep in 1918. Maar persentasiegewys minder as 1% van die wêreldbevolking, terwyl 5%-40%, of 25 miljoen tot 200 miljoen, aan bv. die Swart Dood (13de eeu) gesterf het. Bron: vox.com