VerkenKaapstad... met One&Only
Bly in dié luukse oord in Kaapstad en beleef interessante ervarings wat jou betower
Die One&Only Cape Town, wat in die sjiek Victoria & Alfred Waterfront geleë is en oor die hawe en Tafelberg uitkyk, is ’n rustige oase op die drumpel van energieke Kaapstad. Die One&Only Cape Town gee die toon aan met welstandsvakansies en sy eksklusiewe Spa-eiland, die befaamde restaurante, wat die ikoon Nobu insluit, en ’n reeks ervarings wat oornaggaste die beste van Kaapstad wys.
Verken Kaapstad op die One&Only-manier
Die hotel bied nie net verblyf en etes vir oornaggaste nie, maar ook uitgesoekte ervarings waarmee jy die stad en omgewing kan verken.
Vir die wyn-fynproewers is daar die “Sip & savour”-ervaring wat deur die One&Only se hoofsommelier, Luvo Ntezo, aangebied word. Hier stel hy jou in die oord se wynstudio bekend aan die beste wyne van die streek.
In ’n ander ervaring kry jy weer die geleentheid om jou eie wynversnit te maak. Gaste kan ook die wynstreke van Stellenbosch en Franschhoek besoek op ’n luukse wyntoer saam met die sommelierspan. Op ’n ander toer, na die Simonsig-wynlandgoed, kan gaste eerstehands leer hoe om
Cap Classique te maak.
Vir die kos-connoisseurs is daar die “Cooking Tale of Two Sisters”, ’n kookervaring met twee geliefde Kaapse “susters”, die koeksister en die koesister. Die sushi-liefhebbers kan aanmeld vir ’n sushi-meesterklas by Nobu.
As jy dol is op skemerkelkies, skryf in vir die “mixology”-ervaring, waar jy die One&Only se spesialiteitsdrankie, die Cape of Storms, wat met droë ys gemaak word, sal proe.
Vier jy iets spesiaals? Wat van die Inverroche-helikoptertoer, waar jy per helikopter na Inverroche in die Overberg geneem word.
As jy bietjie oefening wil inkry, sluit aan vir die staanplankroei in die Waterfront of stap saam met ’n opgeleide gids op teen Tafelberg. Of wat van ’n jogasessie op Tafelberg?
Wêreldgehalte-geriewe
As jy egter net gepamperlang wil word, bespreek vir jou ’n salon-sessie in die wêreldbekende One&Only Spa, of ’n behandeling in die StudiO. Jy kan ook net met ’n boek langs die swembad (eksklusief vir oornaggaste) ontspan of die toprestaurante geniet. Besoek www.oneandonlyresorts.com/ cape-town/offers vir meer.