ONTMOET DIE koningin
VAN KOEKTENDENSE
Sosiale media is ’n wonderlike ruimte vir kostendense om hul buiging te maak en te floreer. Dink maar aan die vuurwarm tamatie-en-feta-pasta, die gewilde dalgona-koffie en selfs die wolkbrood met woema. Nou is daar ’n nuwe obsessie: die tsoenami-koek.
Tsoenami-koeke, ook bekend as die “pull-me-up”koek, bestaan uit ’n dekadente koek met vloeibare versiersel wat soos ’n waterval langs die kante afloop. Dis ’n fees vir die oog en smaakknoppies!
Hierdie nuwe tendens sal enige suikertand se hart laat bokspring en dit is boonop maklik om jou eie tsoenami te skep.
SÓ MAAK JY
Sodra die koeklae afgekoel het, versier dit gewoonweg met botterversiersel en draai ’n asetaat-koekomhulsel (acetate cake collar )om die gestapelde lae. Giet dan vloeibare versiersel bo-oor – sjokolade-ganache is ’n lekker opsie – en versier verder met koekstrooisel. Verwyder die omhulsel en laat die ganache oor die koek loop.
Die tsoenami-koek is egter nie die enigste een wat onlangs opslae in die kuberruim gemaak het nie. Hier is nog drie koeke wat soos ’n veldbrand versprei het:
1. Oreo-koppiekoek 2. Marmerkoek 3. Geverfde botterroomblomkoek FOTO HEEL LINKS INSTAGRAM/BIRDIES CUPCAKES