HOEKOM GEBEUR HAARVERLIES?

Om daagliks tussen 50 en 100 hare te verloor is normaal, maar soms is daar snellers wat veroorsaak dat meer hare as gewoonlik tegelyk in hul rusfase ingaan en uitval. Dié toestand is dikwels net tydelik, maar veroorsaak steeds baie stres en kommer by vroue, sê Pierre Malherbe, verspreider van die haarsorgreeks Roots Double Effect in Suid-Afrika. As jy niks daaraan doen nie, kan dit enigiets tussen ’n maand en vier maande duur voordat jou hare weer begin groei.

Haarverlies kan ook permanent wees en gebeur wanneer die haarfollikel met elke groeisiklus verklein en uiteindelik doodgaan. Hoewel permanente haarverlies baie moeilik is om te behandel, is dit nie onmoontlik nie, sê dr. Fourie.