Rooi VURIGE

Op soek na ’n vars haarvoorkoms vir jou volgende Zoom-vergadering? Volgens Boyd Meilhon, meesterstileerder by die haarsalon Carbon in Johannesburg, is skakerings van rooi – van warm koper tot ’n helder kersierooi – dié haarkleur vir winter. “Ná ’n uitdagende jaar is rooi opwindend en waaghalsig en lyk dit boonop treffend op digitale skerms.” Onthou dan om ’n goeie sjampoe en opknapper te gebruik wat gemaak is om jou kleur langer te laat hou, omdat rooi haarkleur geneig is om vinnig vaal te lyk.