VEL SOOS GLAS

Ek het die afgelope twee maande Environ se Focus Care ComfortĂ Anti-Pollution Spritz (R520) en Masque (R515) beproef. Dit voel heerlik om soggens ná my velsorg- en grimeerroetine die gesigsproei aan te spuit en te weet daar’s ’n lagie wat my vel beskerm teen die talle besoedelingsaanslae van die dag. Die masker, met houtskool en botaniese bestanddele, gebruik ek dan so twee keer ’n week om besoedelingsdeeltjies in my vel te absorbeer. Anders as sommige ander houtskoolprodukte laat dit nie my vel droog voel nie, maar eerder bevog en vars. By uitsoeksalonne

Die ghd rise (R2 900) is jou kitsoplossing vir sagte, golwende hare met volume. Dié elektriese borsel is ontwerp om jou haarwortels te lig en maklik deur jou haarlengtes te beweeg vir ’n sjiek, voller voorkoms. Boonop word die temperatuur 250 keer per sekonde gemonitor om hitteskade te beperk. By uitsoeksalonne en ghdhair.com

Gebruik in die winter dié afskilferaar, vogroom en basislaag vir ’n gladde vel wat glansend en bevog lyk