SOETTROLLIE

DHAL Verhit middelslagpot oor hoë hitte tot warm. Voeg olie en botter by. Voeg komyn, kerrieblare, uie en brandrissie by en roerbraai 3-5 minute of tot geurig. Voeg tamaties, lensies, borrie en wortels by. Meng deur en gooi water by. Maak pot toe en bring tot kookpunt. Verlaag hitte en laat stadig prut vir 30 minute terwyl jy elke nou en dan roer om te keer dat die lensies aanbrand. Roer botter by sodra mengsel romerig en lensies gaar is. Geur goed met sout en peper. Skep dhal in klein dienbakkies en skep gaar kerrie bo-op. Sit voor op trollie.

genoeg vir 8

45 ml botter 200 g (250 ml) suiker 3 eiers 60 ml melk 140 g (250 ml) bruismeel 10 ml bakpoeier 410 g-blik baba-appels of tertappels fudgesous en roomys vir voorsit

SOUS

10 ml karamelgeursel 250 ml ingedampte melk 200 g (250 ml) suiker

Verhit oond tot 180 ºC. Klits botter en suiker tot lig en romerig. Voeg eiers by en klits goed. Voeg melk, meel en bakpoeier by en meng tot gladde beslag. Dreineer appels. Pak agt oondvaste koppies op ’n bakplaat en spuit elkeen goed met kleefwerende kossproei. Verdeel beslag tussen koppies. Plaas ’n appel bo-op beslag in elke koppie, dit sal insink terwyl dit bak. Plaas bakplaat met koppies in warm oond en bak 15-20 minute of tot ’n toetspen skoon uitkom.

SOUS Plaas al die bestanddele vir die sous in ’n middelslagpot en bring tot kookpunt. Gooi warm sous oor tert in elke koppie sodra dit uit die oond kom. Sit voor met fudgesous en roomys.

Vanaf R59 per 500 g-pak by thegreatcape.co.za