KONTRAKTEURS
HOUT EN KLIP
Die kontemporêre kombuis lyk nie uit pas met die ou struktuur nie. Daar is op natuurlike stowwe soos terrazzoafwerkings, ’n klipvloer en populierhout besluit om hierdie unieke vertrek te skep. Die terrazzo-eiland versteek die stoof en ’n slim plan is beraam om die suigwaaier van die balke te laat hang. Die bonkige tafel (deur Greg ontwerp) is van plaaslike populierhout gemaak en lyk treffend saam met die eetkamerstoele. En natuurlik is daar ’n bo- en onderdeur wat na buite lei.