SO SÊ HULLE OP

SARIE.COM

Joernalis en nuusleser Daniëlla van Heerden oor haar jeugroman, As jy droom (Pan Macmillan, R180)

Dit was beslis een van die trekpleisters. Maar as joernalis is ek veral geprikkel deur die nuuswaardige element van Megan en die U-Dream Global-span se reis. Ons is immers altyd op soek na dinge wat vreemd, uniek en uitsonderlik is. En die kern van Megan se storie is so nuuswaardig soos kan kom: “Jong meisie en tienervriende bou ’n Sling4; vlieg daarmee van die Kaap na KaÏro.”

Dit het destyds reeds my aandag getrek, ek het vermoed dit sal ’n wonderlike storie(boek) maak.

Dat sy nooit getwyfel het in haar en haar jong kollegas se vermoë om so ’n reusetaak suksesvol af te handel nie. Ook dat sy steeds haar droom najaag, selfs ná die dood van haar pa. (Des Werner is in ’n vliegongeluk dood net ná die projek voltooi is, en ons skryf ook daaroor in die boek.)

Dit is vir my meer natuurlik om ander se stories te vertel, maar ek het van jongs af tog óók gehou van kreatiewe skryfwerk. Ek het selfs skryfkuns as universiteitsvak gehad. Omdat ek deesdae meer niefiksie skryf, was my kreatiewe vaardighede nogal verroes! Ek het wel onlangs die geleentheid gekry om ’n kortverhaal vir ’n tienerbundel te skryf en dit só geniet. En nou is ek vuur en vlam om ook ’n fiksieboek vir die jeugmark te skryf.