KOOP ’N STUKKIE Karoo
Ons Karoo, Deon Meyer en Coenie de Villiers se tweede boek oor die
Karoo, is pas uitgereik in samewerking met die Atterbury-trust. Dit bevat Deon se wonderlike stories uit hul Karoo Suiteproduksies, pragtige foto’s, inligting oor die sterrenag, die landskap en selfs Karoo-resepte, soos Jan Hendrik van der Westhuizen se skaapstertjies en mieliepapvingers. Elke boek in die beperkte oplaag is genommer en geteken deur Deon en Coenie, met ’n verrassing binne. Dit is ten bate van die jongmense van die Karoo.
Die boek kos R1 000, posgeld ingesluit (bestel by atterburytrust.org). Daar is ook ’n standaarduitgawe van R385, posgeld uitgesluit (bestel by info@karoosuite.co.za of besoek karoosuite.co.za vir meer inligting).