NUWE SPOGSALON

Woon jy in Pretoria? Gaan maak gerus ’n draai by die nuwe spogsalon van INOAR, die Brasiliaanse haarsorgreeks. Die INOAR Lifestyle Centre in Brooklyn is ontwerp deur argitek André Eksteen en het ’n haar- en skoonheidsalon, estetiese praktyk en koffiewinkel. Vir Hendrien Kruger, eienaar van INOAR in SA, is dit ’n droom wat waar geword het. “Benewens ’n sentrum vir die beste haar- en velsorg is dié ruimte spesiaal vir vroue: waar hul drome en aspirasies ondersteun word en hulle deel kan voel van ’n gemeenskap.”

– Monica van der Walt