UNIEKE BOTTEL
Een van die kenmerkendste aspekte van Chanel No. 5 is die bottelontwerp. As teenvoeter vir die oordadige parfuumbottels van daardie tyd het Coco ’n simplistiese ontwerp gekies, geïnspireer deur die eenvoudige lyne van ’n heupfles.
Sy wou haar parfuum verpak in ’n deursigtige, “onsigbare” bottel gemaak van dun glas; die doppie van die begin af getooi met Chanel se dubbele C-kenteken. Oor die jare is die oorspronklike ontwerp effens aangepas, maar dit herinner vandag nog aan die eerste een.