Karringmelkpoeding
(bl. 98) Die bekoring lê in die eenvoud. Sit dié poeding voor met goeie vanieljevla en die winter kan maar kom.
genoeg vir 6
200 g (250 ml) suiker 15 ml sagte botter
3 eiers
140 g (250 ml) koekmeel 250 ml karringmelk
500 ml volroommelk 5 ml vanieljegeursel
Verhit oond tot 180 °C. Spuit ’n oondbak van sowat 25 cm in deursnee deeglik met kleefwerende kossproei. Klits suiker en botter saam. Voeg eiers een vir een by en klits goed ná elke byvoeging. Sif meel by, voeg dan res van bestanddele by en klits goed tot ’n gladde beslag. Die beslag is baie loperig, maar dis reg so. Keer uit in voorbereide oondbak en bak vir sowat 1 uur of tot gestol en goudbruin bo-op. Sit voor met vanieljeroomys en vars grenadellas.