BEYONCÉ EN BRAD
’n Duidelike skakel tussen voorkoms en persoonlikheid is geslagshormone. Testosteroon en estrogeen beïnvloed gesigsontwikkeling sowel as gedrag. Hoë testosteroonvlakke kan gesien word in ’n sterk kakebeen, donkerder kleur en holler wangbene. Hoë estrogeenvlakke in ’n gladde vel, ’n netjiese kennetjie, min gesighare, geboë wenkbroue en plomp lippe. Jessica Alba en Beyoncé, hoë-estrogeen-tipes, word deur mans én vroue as beeldskoon beskou. Mans met hoë testosteroonvlakke laat vroue wat ovuleer se eierstokke hande klap. “Tog laat mans met ’n mengsel van manlike en vroulike eienskappe – oorheersend en behulpsaam – vroue ook swymel. Dink aan Brad Pitt se manlike kakebeen en sensuele lippe,” volgens Psychology Today.
VAN BO NA ONDER Die aktrise Jessica Alba, akteur Brad Pitt en sangeres Beyoncé.