MOENIE KWAAD BED TOE GAAN NIE
Dis nie so eenvoudig nie en die regte gesegde is dalk eerder: Moenie baklei voor julle bed toe gaan nie. Want baie probleme waarvoor julle te staan kom – geld, kinders, skoonfamilie, ensovoorts – kan nie gerieflik voor slaaptyd ontknoop word nie. En dis ook nie nou die regte tyd om dit te probeer doen nie. Hoe vaker ons is, hoe slegter ons bui, kommunikasievaardighede en probleemoplossingsvermoë. Alles belangrike dinge om die lug te suiwer. Kies dus jou veldslae en die tyd daarvoor wys. Los die moeilike gesprekke totdat julle albei uitgerus is en kan kophou. Spring julle voor bedtoegaantyd aanmekaar, gaan albei die hele nag rondrol.