MANS SLAAP BETER
Nie so nie. Mans en vroue slaap net verskillend. Vroue ly twee keer meer aan slaaploosheid. Maar as vroue slaap, kry hulle meer diep slaap as mans. Mans is weer meer geneig om slaapapnee te hê. Die konstante ophou en hervat van asemhaling beteken hy slaap meer onrustig en dit kan boonop ’n klomp gesondheidsgevare inhou, soos reeds gesê. Mans en vroue snork. En vroue kan ook slaapapnee hê, hoewel dit baie minder by hulle gediagnoseer word.