Ons wêreld
Die 27ste Kaapstadse Internasionale Vlieërfees het vanjaar ’n nuwe, hibriede gedaante. Van 2-31 Oktober kan jy enige tyd, enige plek ter wêreld jou vlieër vlieg, aanlyn deelneem aan kompetisies, of opwip-vlieërdae by Dolphin Beach (10 Oktober) of die Zandvlei-natuurreservaat (23 Oktober) bywoon. Die mikpunt: Om R100 000 in te samel vir die organisasie Cape Mental Health, wat gratis geestesgesondheidsdienste in die Wes-Kaap lewer. Besoek capementalhealth.co.za/ EveryoneDeservesToFly/