Toe sien ons háár . . . Ontmoet Emme Scholtz, SARIE Voorbladgesig 2021
Donker hare, bokkiebruin oë en twee verleidelike kuiltjies. Dis Emme Scholtz, wenner van SARIE Voorbladgesig 2021. Soos Michélle van Breda, SARIE-redakteur, sê: ‘Sy is met een woord, stunning!’ Ontmoet haar hier vinnig, en in ons volgende uitgawe sien jy haar op ons voorblad en hoor haar unieke storie
DIS WIE EK IS . . .
Emme Scholtz, ’n 31-jarige laerskoolonderwyseres van Somerset-Wes. Ek en my tweelingbroer, Tomas, is op Kersdag gebore. Ons het ’n ouer broer, Marc. Ek en my man, Jacques, het ’n 4-jarige dogtertjie, Anna Hazel, en 2-jarige seuntjie, Kai Levi. Hoe ek myself sal beskryf? Kreatief, goed georganiseerd en passievol met ’n hart vir mense.
OM SARIE SE NUWE VOORBLADGESIG TE WEES . . .
Ek word nie maklik verras nie, maar dit was my grootste verrassing ooit – ek het dit nóóit verwag nie. Die 30-sekonde-video waarin ek myself kon voorstel șop SARIE se Instagramț, was klaar ’n groot eer. Nooit in my wildste drome kon ek dink ek sou vir só iets inskryf nie, en nog minder SARIE se Voorbladgesigwenner wees! Wat ’n gróót voorreg om SARIE te verteenwoordig. Dit beteken vir my baie dat my egtheid genoeg was.
Nooit in my wildste drome...