SPEELGOED WAT OMGEE

Barbie het nou ook die stryd teen plastiekbesoedeling betree. Die nuwe Barbie Loves the Ocean-reeks word gemaak van gebruikte plastiek wat in die see sou beland. Dis deel van die vervaardiger Mattel se doel om teen 2030 net plastiek wat herwin, herwinbaar of van biogebaseerde materiaal gemaak is, vir al hul produkte en verpakking te gebruik. Die LEGO-groep het onlangs ’n prototipe van ’n LEGO®-blokkie van weggooiplastiekbottels onthul om húl vordering met volhoubare oplossings te wys – 150 kundiges werk al drie jaar onverpoos.