Gesonddinge

GRATIS HULP AAN JONGES

Hope Guardians, ’n organisasie sonder winsoogmerk, bied sielkundige hulp aan jongmense wat nie vrylik daartoe toegang het nie. Dit word op verskeie maniere gedoen, insluitend ’n aanlyn platform met spesialiste in hul veld. Dié weeklikse een-tot-een-terapiesessies is gratis vir mense tussen 18 en 27, in jou taal en binne jou kulturele konteks. “Miljoene mense wêreldwyd sukkel met geestesgesondheidsprobleme,” sê Benjamin Tuttle, stigter van die organisasie. “Net in Suid-Afrika het sowat driekwart van mense wat dit benodig, nie toegang tot enige vorm van geestesgesondheidshulp nie.”

Besoek hopeguardians.com

KAN JY VAN PARKINSONS WEGHOL?

Kragtige oefening, soos hardloop, kan dalk die verloop van Parkinson se siekte vertraag deurdat dit ’n beskermende geen, bekend as DJ-1, aanskakel, het Amerikaanse navorsers bevind. Bron: sciencedaily.com