’N KAMEELPERD SE BESTE VRIENDIN
Dis nie net onder olifante en sjimpansees waar die vroulike geslag op mekaar staatmaak nie. Nuwe navorsing toon dat kameelperde vriendinne het met wie hulle jare lange bande smee, hulle eet saam, waak saam oor hul dooie kalwers en bly na aan hul ma en ouma. Die studie van 400 bladsye, wat onder meer onder kameelperde in Suid-Afrika gedoen is, weerlê vroeëre oortuigings dat dié diere nie sterk sosiale strukture en onderlinge organisasie het nie. Bron: insidehook.com