SÊ DIT REG!

Voel dit soms of jou baas jou nie hoor nie? Of miskien sê jy een ding, maar jou man hoor iets heel anders. Dalk is dit omdat julle tot verskillende “kommunikasiesisteme” behoort, sê die verhouding- en kommunikasiespesialis Leah Sefor in haar boek That’s Not What I Meant! . As jy eers weet waar jy inpas – waarnemer, luisteraar, analis of iemand ingestel op verhoudings (connector) – en met wie jy te make het, kan jy jou manier van kommunikeer aanpas. En uiteindelik ’n beter verhouding hê. Leah deel ook ander insigte oor die onderwerp.

(Tafelberg, R290)