Uitvoermateriaal DEVILSDORP IS

Dís kenners se mening oor Devilsdorp, ’n dokumentêre reeks op die betaalkanaal Showmax wat handel oor die “afspraakmoorde” wat tussen 2012 en 2016 in Krugersdorp gepleeg is. Lede van ’n kultus, Electus per Deus (“uitverkies deur God”), onder die invloed van Cecilia Steyn was verantwoordelik vir die moorde.

Volgens ’n mediaverklaring het dié reeks ’n Showmax-rekord behaal vir die meeste ure gekyk in die eerste vier dae ná uitreiking. Die pers is gaande: Resensente van News24 en Rapport het dit vyf sterre gegee en Netwerk24, Beeld, Die Burger en Volksblad vier.

Schalk Schoombie, akteur, skrywer en kunsresensent, sê Devilsdorp hoef geensins terug te staan vir internasionale misdaadreekse nie. “Dis goed nagevors, tegnies bedrewe, en uiters boeiend. Dit hou aan verbaas – infotainment uit die boonste rak.”

Dit wys net weer ons kán goeie dokumentêre prente maak, sê hy. Dink maar aan die Oscar wat ons vanjaar vir die beste dokumentêre rolprent,

My Octopus Teacher, losgeslaan het.