STRATEGIES OP DIE SKAAKBORD
Danksy strategiese skaakplanne het Alexander van der Merwe, ’n gr. 10-leerling aan Paul Roos Gimnasium op Stellenbosch, Suid-Afrika in Augustus by die Internasionale Skaakfederasie (FIDE) se Cadets & Youth Rapid World Cuptoernooi verteenwoordig. Dit het aanlyn plaasgevind weens Covid.
“Dit was ’n groot eer om Suid-Afrika en my skool internasionaal te verteenwoordig – sowat 1 650 spelers tussen 10 en 18 van 94 lande het deelgeneem. In my kategorie șo.16ț was daar 190.”
Alexander, wat einde September as die Wes-Kaapse geslote skaakkampioen gekroon is, geniet die uitdagings wat skaak bied.
“Ek het voor Covid aan wêreldtoernooie in Indië, Griekeland en
Brasilië deelgeneem.” Hy meen dat die Netflix-reeks The Queen’s
Gambit skaak se gewildheid ’n hupstoot gegee het.
“Skaakprestasie verg baie oefening. Dit motiveer my wanneer ek aanlyn na topspelers se vindingryke spel kan kyk.”