KABOUS MEIRING
Aanbieder van Megaboere en Prontuit op kykNET
Ek sou graag wou lees dat veediefstal hokgeslaan word. Die landbousektor lewer ’n reuse-bydrae tot ons ekonomie.
Veediefstal is ’n enorme probleem wat opgelos kan word met die ondersteuning van die polisie, buurtwagte en die uitroei van korrupsie.
Dit kán gebeur. Landbouleiers praat en beplan nie net nie, hulle dóén ook! Die staat besef dit toenemend, ook die erns van voedselvoorsiening. Hulle behoort nou doodgewoon die daad by die woord te sit.
Ek wil nie onrusbarende nuus oor boere as teiken van sommige groepe lees nie. Dít terwyl die waarheid heel anders lyk: Groot boere doen baie om met naburige stamme oor grond en ontwikkeling te onderhandel. ZZ2 is ’n voorbeeld. șZZ2 is ’n boerderykonglomeraat wat gesonde en bekostigbare kos aan Suid-Afrikaners voorsien en ook gehalteprodukte reg oor die wêreld uitvoer.ț