STEPHEN TAU
Joernalis en veldaanbieder van kykNET Verslag
Ek is ’n groot sokkerondersteuner en sal graag ’n opskrif wil sien wat sê dat daar veel meer vir sokker gedoen word. Wat sokkerspanne – en veral ons nasionale span – betref, behoort daar meer belê te word in die skep van ’n behoorlike struktuur, asook aan die opleiding en ontwikkeling van spelers. Dis al manier waarop ons die standaard van dié spel in Suid-Afrika sal verbeter.
Ek glo dis moontlik, maar dan het ons die regte mense op die regte plekke nodig, mense wat passievol oor sokker is. Die geld vir spanne behoort ook beter aangewend te word.
Ek wil nie lees oor protesaksies ,die afbrand van skole en die beskadiging van eiendom nie.