PAUL ROTHMANN
Aanbieder van Pasella*
Ek sou eerstens wou sien dat alle Suid-Afrikaners toegang tot geletterdheid en lewensvaardighede het. Om ’n YouTube-video te kyk is nie dieselfde nie. Almal behoort ’n lus te ontwikkel om self te lees asook krities te dink oor wat hulle gelees het. Leerders behoort reeds op laerskool fundamentele vaardighede te leer en die fokus behoort op tersiêre finansiering te val.
Tweedens moet die wêreld minder gepolariseerd word. Ekstremisme werk nie. Tog is dit ’n algemene verskynsel dat die liberale pool meer liberaal word en die konserwatiewe pool meer konserwatief. Ek sou wou sien dat die twee pole, volgens die Duitse filosoof Hegel se teorie van tese, antitese en sinergie, nader aan mekaar beweeg, en daarom vorentoe met nuwe oplossings.
My eerste wens is beslis haalbaar. Tablette en afstandonderrig in landelike gebiede is die oplossing.
Geld hiervoor sal minder wees as tans, maar dis goedkoper as om onderwysers in te vlieg.
Ek wil beslis nie lees dat koffie onwettig geword het nie!