ELSA ESTERHUIZEN

Nuus- en aktualiteitsaanbieder van Die GROOT Ontby top kykNET Ek wil lees dat ons land ’n gedaanteverandering ondergaan het ten opsigte van geslagsgeweld teenoor vroue. Vroue en mans behoort ook gelyke inkomste vir dieselfde werk te kry.

Ons president verwys al

’n geruime tyd na gesinsgeweld as Suid-Afrika se ander pandemie, tog voel dit asof dit net vererger. Ek dink dis onregverdig en totaal onaanvaarbaar dat vroue in ons land vreesbevange moet leef en gereeld die teikens van gruweldade is.

Daar is onlangs berig dat die werkloosheidskoers onder SuidAfrikaanse vroue hoër is as onder mans, terwyl hulle ook minder betaal word vir dieselfde werk. Dis ’n wêreldwye probleem wat hopelik vinnig opgelos sal word. Die definisie van “broodwinner” het immers lankal verander en kan nie meer aan ’n spesifieke geslag gekoppel word nie.

Hierdie uitdagings lei tot frustrasie omdat dit lankal reggestel kon word. Maar die hoop beskaam nie. Hopelik maak die konstante bewusmaking binnekort ’n verskil.

Ek wil definitief nie weer lees oor iets soos die dood van die Glee-akteur Naya Rivera nie. Die omstandighede en verwikkelinge van die storie het my vir weke onrustig gestem. Ek wonder steeds soms wat haar arme seuntjie alles beleef en gedink het toe hy sy ma onder die water van die meer sien verdwyn het.