’N NUWE KANS OP VOORTBESTAAN
Die grendeltydperk verlede jaar het baie besighede geknou. Gelukkig kon party, met die hulp van maatskappye, soos Checkers, ’n plan maak
Kies uit tradisionele tot glutenvrye en alkoholvrye vrugtekoek by Checkers dié feestyd
Toe die gevestigde Kaapse bakkery Pie in the Sky, wat aan die gasvryheids- en reisbedryf verskaf het, se bestellings gedurende die harde grendeltydperk verlede jaar opdroog, het hulle na geleenthede gekyk om te diversifiseer en sodoende aan te gaan en hul werknemers te behou. ’n Bestelling van Checkers vir gebak het hulle ’n broodnodige reddingsboei vir voortbestaan gebied en selfs ’n geleentheid om uit te brei.
Onder hierdie gebak is die heerlike vrugtekoeke waaraan jy hierdie feestyd sal kan smul: hul tradisionele feestelike vrugtekoek, versier en onversier, alkoholvrye vrugtekoek, genua-styl vrugtekoek en glutenvrye vrugtebrood.
“Ons onderneming is basies in sy spore tot stilstand geruk aangesien ons hooffokus – en al ons kliënte – in die gasvryheids- en lugvaartbedryf was,” verduidelik Sergio Luiz, kommersiële bestuurder van Pie in the Sky. “Vanaf die eerste oomblik was hulle gewillig om met ons sake te doen en ons het hulle aan nuwe produkte bekend gestel, hoofsaaklik gevriesde brode. Saam met Checkers het ons produkte ontwikkel wat hul bakkerye in hul winkels meer doeltreffend gemaak en koste en vermorsing verminder het.”
Pie in the Sky het middel-2020 aan Checkers begin verskaf. Gedurende die eerste inperking kon die bakkery nie meer daagliks die tienduisende produkte verskaf soos voorheen nie. Hulle het wel aangehou om ’n paar honderd produkte te voorsien aan die organisasies sonder winsbejag wat hulle ondersteun het, maar daar was onsekerheid oor wat met hul werknemers sou gebeur. Danksy die bestellings van Checkers het hulle nie nodig gehad om mense af te dank nie. Inteendeel, hulle kon sedertdien nuwe mense aanstel.
“Hierdie vennootskap het hernude stukrag aan ons onderneming gegee en ons ’n meer volhoubare pad vir groei in die toekoms gewys. Ons sien daarna uit om ons verhouding met Checkers in die toekoms uit te brei.”