’n nuwe parfuum
Een van die grootste oorkoepelende leefstyltendense vir die somer is
’n behoefte om gelukkig en gesond te voel. Dit spoel veral oor na die parfuumwêreld, sê Tasha Ludlow Furlong, plaaslike parfuum-handelsmerkbestuurder van Bacher and Co. “Parfuums wat ’n gevoel van welstand ontlok en herinner aan gelukkige oomblikke soos ’n vakansie of ’n aand uit is nou gewild.” Ook geurnote wat positiwiteit opwek en warm en kalmerend is. Net so is parfuums wat fokus op volhoubaarheid asook ekovriendelike bestanddele groot nuus.
“Vir jou nuwe somergeur, wees op die uitkyk vir parfuums met blomnote soos roos, jasmyn en neroli, vrugtenote soos bergamot, nartjie en pomelo en gourmandnote soos vanielje, toffie en muskus om ’n gevoel van welwees te ontlok.”
Wenk
Bevog jou lyf voordat jy jou parfuum aanspuit om dit langer op jou vel te laat hou. Parfuum verdamp makliker op
’n droë vel.