The Promise, Damon Galgut (Umuzi, R290)

Nog voor sy kortlysbenoeming vir die Bookerprys is die SuidAfrikaner Damon Galgut se roman groot lof toegeswaai deur sowel resensente as lesers. Maar wees gewaarsku: Met ’n apartheidstema en heelparty sterftes is dit beslis vir die ernstiger leser.

Die sentrale tema is die ondergang van ’n wit familie in die sterwensjare van apartheid. Die drama ontvou ná ’n belofte wat die Afrikanerman Manie Swarts aan sy sterwende Joodse vrou, Rachel, maak om vir hul huiswerker, Salome, die titelakte van haar blyplek te gee. Een van hul drie kinders, Amor, hoor hoe hy die belofte maak. Wanneer die rassistiese Manie egter sy belofte verbreek, lê dit die grondslag neer vir ’n vloek wat in die daaropvolgende paar dekades op die kinders sou rus.

Benewens die Swartsgesin, is die geskiedenis as ’n gekompliseerde politieke werklikheid ’n sentrale karakter wat regdeur die boek loop. Pieter Hugo