Soul Sisters, Lesley Lokko (Macmillan, R330)
Kemi Mashabane en Jen McFadden het saam in die McFadden-huis in Skotland grootgeword, maar albei se familiewortels lê in Afrika.
Hulle is niggies en beste vriendinne.
In die laat 90’s besluit Kemi om vir die eerste keer in twintig jaar na haar geboorteland, SuidAfrika, terug te keer en sy vat vir Jen saam. In Johannesburg raak Kemi in ’n ernstige verhouding betrokke met die charismatiese Solam Rhoyi. Albei se ouers was vryheidsvegters en hulle het baie gemeen. Maar anders as Kemi het Solam sterk politieke ambisies. Hy huiwer nie om vuil te speel vir eie gewin nie. Verraad, verlies en ontnugtering is die skokkende nadraai en Kemi en Jen se band word tot die uiterste beproef.
Die boeiende verhaal het ’n lekker vinnige pas en gee ’n insiggewende blik op die politieke binnekringe in die eerste paar jaar van die Nuwe Suid-Afrika.