VAN VERGEET MY NIE TOT BRITBOX
Die SA aktrise Alice Krige is vanaf 13 Januarie op die stromingsdiens BritBox in die Britse reeks The Syndicate te sien. Alice het in Gqeberha grootgeword en aan Rhodes studeer. Nadat sy teenoor Hans Strydom in die 1976-fliek Vergeet my nie gespeel het, is sy Londen toe. Haar deurbraak-rol was in die Oscar-treffer Chariots of Fire (1981) en sedertdien was sy al in tientalle produksies, van Star Trek (as Borg Queen) tot Thor: The Dark World. In die reeks is sy Lady Hazelwood, wat nie eintlik meer haar spogleefstyl kan bekostig nie, en dan wen haar personeel die lotery. Bron: wikipedia.com REGS Alice as Lady Hazelwood.