HAWERMOUT-EN-SJOKOLADEKOEKIES
Ek het dié resep by die bekende Knysna-bakkery île de païn leer maak. Gebruik goeie sjokolade met ’n hoë kakao-inhoud. genoeg vir 20 220 g (240 ml) botter 260 g (325 ml) bruinsuiker 2 eiers 340 g (950 ml) hawermoutvlokkies
220 g (380 ml) koekmeel 200 g donkersjokolade, in growwe splinters gekap 5 ml sout
Verhit oond tot 160 °C. Klits botter en bruinsuiker tot lig en romerig. Breek eiers een vir een by en meng elke keer goed. Vou res van bestanddele om die beurt by en meng. Voer twee bakplate met bakpapier uit en spuit goed met kleefwerende kossproei. Skep met ’n roomyslepel balle vol van die deeg ver genoeg uit mekaar op die bakplate om met jou palm tot 1 cm dik plat te druk. Bak vir 20-25 minute of tot goudbruin en gaar. Laat afkoel en bêre in ’n lugdigte houer.
(bl. 83) Een van my gunstelinge om te maak – dis vol smaak en gesonde geure. genoeg vir 1 brood
VIR DIE PAP
50 g growwe hawermout 100 ml water
30 ml heuning
20 ml olyfolie
BROOD
10 g sout
10 g-sakkie kitsgis
250 ml louwarm water
200 g (360 ml) volgraanmeel 140 g (250 ml) witbroodmeel
Pap Plaas al die bestanddele vir die pap in ’n klein pot en roer oor lae hitte tot dit begin kook. Laat kook vir 5 minute. Skep pap in ’n middelslagmengbak en laat afkoel. Brood Voeg sout, gis en water by afgekoelde pap. Voeg volgraanmeel by en meng deur met ’n houtlepel. Voeg nou genoeg broodmeel by om ’n stywe, kniebare deeg te vorm en knie tot glad. Smeer ’n skoon bak met sonneblomolie, plaas deegbal in bak en maak toe met kleefplastiek. Laat rys op ’n warm plek tot dubbel die volume, sowat 40 minute. Spuit ’n broodpan van 15 x 20 cm met kleefwerende kossproei. Knie deeg af en vorm in ’n langwerpige brood. Druk deeg in pan vas, bedek pan met kleefplastiek en laat rys deeg weer tot dubbel die volume, sowat 20 minute. Verhit intussen die oond tot 180 °C. Bak uitgerysde brood vir 20-25 minute of tot goudbruin en gaar. Laat afkoel en sit voor met botter.