TANNIE MARIA WORD ’N TV-STER

Sy’s die troostante van die Karoo met ’n slag vir kosmaak en moordraaisels ontrafel. En nou gaan Tannie Maria, die hoofkarakter in skrywer Sally Andrew se gewilde speurreeks, kassie toe. Die TV-reeks Recipes for Love and Murder is gebaseer op dié gelyknamige eerste boek wat al in 14 tale gepubliseer is. Dis onder meer op Prins Albert en in Skotland verfilm, met Maria Doyle

Kennedy van Outlander-faam in die hoofrol. Dis vanaf 20 Maart op M-Net (DStv-kanaal 101) en daarna in Amerika en Brittanje te sien.

* The Milk Tart Murders (Penguin Random House, R290), die vierde boek in die reeks, is nou te koop by uitsoekboekwinkels.

HEEL REGS Maria Doyle Kennedy