ROOI KAMELIA

NUWE VELSORG-STER

Die kamelia, Coco Chanel se gunstelingblom, is dikwels in haar ontwerpe uitgebeeld. Nou is ’n spesiale rooi kamelia die kernbestanddeel in Chanel se nuwe reeks, No. 1 de Chanel (vanaf R925). In elke produk is die kamelia se vermoë om te vernuwe ingespan om die eerste tekens van veroudering te takel.

OM TE WEET

1. 97% van die bestanddele is van natuurlike oorsprong en hernubaar met minimale omgewingsimpak. 2. Die verpakking is ligter en soveel as moontlik herwinbare glas word gebruik. 3. Elke deel van die kamelia word gebruik – selfs die saaddoppe as versterking in die roompotjie se deksel. – Monica van der Walt

> Ses velsorgprodukte, ’n onderlaag, lip-en-wang-tint en ligte parfuumsproei is beskikbaar by Woolworths, ARC en Chanel-boetieks