PAASBOLLETJIES GEVUL MET REPIES KRUISSKYF EN OONDGEBRAAIDE HEUNINGDRUIWE

Hierdie alles-in-een-maal kan jy as middagete of ligte aandete voorsit. genoeg vir 6

400 g SPAR Freshline-pers druiwe, korrels losgemaak 50 ml SPAR-heuning

400 g SPAR Selectkruisskyf (rump)

45 ml SPAR-olyfolie sap van 2 SPAR Freshline-suurlemoene sout en varsgemaalde swartpeper

6 SPAR FreshlinePaasbolletjies gegeur met ekstra speserye

60 ml sagte botter

80 g SPAR Freshline-roket

Verhit oond tot 180 ºC. Plaas druiwekorrels op oondroosterplaat en sprinkel heuning oor. Plaas in oond en bak vir 10 minute of tot korrels oopbars. Haal uit oond en hou eenkant. Verhit riffelpan tot warm en smeer kruisskyf aan albei kante met olyfolie. Sprinkel suurlemoensap oor en geur goed met sout en peper. Braai in warm pan vir

3-5 minute per kant of langer soos verkies. Haal vleis uit pan en laat rus eenkant. Halveer Paasbolletjies en smeer gesnyde kante met botter. Verhit kleefvrye pan tot warm en braai broodjies met botterkant na onder vir ’n paar minute tot bruin. Gebruik skerp mes en sny vleis in dun repies. Pak onderste helfte van gebraaide broodjies op dienbord en verdeel roketblare tussen broodjies. Pak repies vleis bo-op gevolg deur ’n paar heuningdruiwekorrels. Skep lepels vol van die pansous wat gevorm het terwyl druiwe gebak het, bo-op. Sit boonste broodjiehelftes bo-op en sit voor.