Sarie

Aanvanklik dink jy jy gaan iemand se lewe verander

-

CLAUS KEMPEN, gids vir ’n Paralimpie­se atleet

Hulle verskil soos dag en nag. Estean Badenhorst is ’n ernstige, strategies­e denker. Claus Kempen, weer, altyd gereed met ’n grappie. Die gom wat hulle bind: ’n Kort blondine met ’n lang asem.

Almal weet wie Louzanne Coetzee is ná haar silwer- (1 500 m, T11*-vroue) en bronsmedal­je (marathon, T11- en T12*vroue) by die Paralimpie­se Spele in Tokio. En dié twee manne is háár “skaduweehe­lde”, soos siggestrem­de atlete se gidse allerweë bekend staan. Louzanne is blind gebore. Estean sê: “Op die baan is dit hoë oktaan, ek moet haar aanmoedig om haar heel beste te lewer. En deurentyd kalm bly omdat sy my stres kan aanvoel. Op die langpad is dinge meer ontspanne en Claus sorg vir die ligter kant.”

Estean het mededingen­d gehardloop, maar dit ter wille van sy studies opsygeskui­f. Claus is die marathon-man met ’n hele paar Comrades- en Twee Oseane-wedlope agter die blad. Toe Louzanne se gids vir die baan-items eendag nie opdaag nie, wink haar afrigter Estean nader. Claus se hulp is eweneens vir die marathon ingeroep. Louzanne is 1,54 m lank en teen 1,7 m (Estean) en

1,72 m (Claus) kan hulle makliker hul treë by hare aanpas as ’n langeraat. Aanvanklik, vertel Claus, ’n getroude pa van twee, dink jy jy gaan iemand se lewe verander. “Maar die teenoorges­telde het gebeur.”

En so vertrek hulle verlede jaar met Ethiopian Airlines na die Paralimpie­se Spele toe. Op Louzanne en Estean is baie druk, want almal verwag ’n medalje in die 1 500 m. Nee wat, die marathon gaan sy en Claus sommer net vir die lekkerte hardloop. Tipies Estean, ontleed hy die ander atlete vooraf, hul swak en sterk punte. Hul afrigters kom in sy boekie loer en is baie beïndruk.

En hulle hardloop onder die ander atlete uit terwyl Estean haar heeltyd inlig wat aangaan. “Steek ons iemand verby, sê ek wie dit is en hoe sy lyk (moeg of gereed vir aksie). Daardie laaste 400 m, toe ons in die tweede plek inskuif, por ek: ‘Let’s

go, let’s go, let’s go . Jy gaan medal. Gee nou alles.’ En: ‘Jy gaan >

Newspapers in Afrikaans

Newspapers from South Africa