Tuissorg met aktiewe bestanddele
Laastens help goeie tuissorg om die voorkoms van hiperpigmentasie te bestuur en die ontwikkeling van nuwe vlekke soveel as moontlik te onderdruk.
’n Chemiese afskilferaar en ’n goeie velsorgreeks wat ’n kombinasie van aktiewe bestanddele soos retinol, vitamien C, niasienamied, arbutien, en kojien- en aselaïensuur inspan om die melanienvervaardigingsproses te onderdruk, behoort deel van jou daaglikse roetine te wees.
“Moet egter nie net ’n rits produkte met aktiewe bestanddele op jou vel gebruik en hoop vir die beste nie,” maan dr. Lapiner. Werk altyd saam met jou dermatoloog of velsorgterapeut om die beste kombinasie van tuisprodukte en salonbehandelings vir jou hiperpigmentasie te bepaal. Carina waarsku ook dat hoër konsentrasies nie noodwendig beter is nie. “Hiperpigmentasie is ’n vorm van inflammasie, dus kan produkte wat té sterk of aktief is vir jou vel verdere hiperpigmentasie stimuleer.”
Om die beste resultate te kry verg toewyding en geduld. Moenie oornag wonderwerke verwag nie
Carina Franck, stigter van Kalahari