KOMBERSE VAN HOOP
In 2021 was dit hul StrongerTogetherBokke-veldtog. Vanjaar is 67 Blankets for Nelson Mandela Day se tema #RainbowNationBlanketOfHope – om die empatie en veerkragtigheid van SuidAfrikaners te vier ná twee tawwe jare van Covid-19.
“Hoop is die grootste geskenk wat ons vir SA kan gee in onseker tye,” sê Carolyn Steyn (onder), stigter van dié organisasie wat vrywilligers oor die land heen begeester om komberse vir ’n groter doel te brei of hekel. Op 11 Mei word al dié komberse as een reuse-kombers by die Steyn City School in Johannesburg uitgestal, waarna Gift of the Givers dit in behoeftige gemeenskappe sal versprei.
Besoek 67blankets.co.za * Carolyn het in Maart die tweede Suid-Afrikaner geword wat die Chevalier de l’Ordre National du Mérite van die
Franse ambassadeur in SA, Aurélien Lechevallier, ontvang. As erkenning vir haar bydrae om kulturele bande tussen SA en Frankryk te versterk.